A Plataforma Galega en Defensa do Ensino Público protagonizou este mércores
16 de outubro una nova protesta contra a LOMCE que consistiu nunha
concentración diante da Consellaría de Educación. Ademais representantes da
Plataforma Galega en Defensa do Ensino Público entregaron no rexistro da Xunta
unha caixa chea de cabazas dirixidas ao conselleiro e ao ministro para
simbolizar o seu suspenso “ moi merecido” como responsables da aprobación da
LOMCE e dos continuos recortes ao ensino público.
O acto está encadrado nas mobilizacións que de xeito permanente está a
convocar a Plataforma Galega en Defensa do Ensino Público contra a LOMCE e os
recortes no ensino público, e unha vez que a LOMCE xa pasou o trámite
parlamentario do Congreso e foi enviada
ao Senado. A Plataforma recorda que a
LOMCE expulsará do ensino a unha boa parte do alumnado, o que teña menos
recursos, avanza na confesionalidade e na privatización do ensino e é unha lei
profundamente españolizadora , que nega o dereito ao ensino en galego.
Para a Plataforma Galega en Defensa do Ensino Público, segundo explicou
Anxo Louzao, integrante da Plataforma e secretario nacional da CIG-Ensino, a LOMCE “é unha lei que nace cos días contados
e que vai directamente contra o corazón do sistema educativo público”. Anxo Louzao
afirmou que o conselleiro e o ministro son moi merecentes destes “agasallos” en
coherencia co que levan feito contra
ensino público, gañándose un suspenso moi merecido.
Este acto é o preludio da
folga contra a LOMCE do 24 de outubro e as manifestacións convocadas para as
11:30 horas nas sete cidades, Burela, Vilagarcía, Lalín, Cee, Carballo e
Ribeira.
