A Plataforma Galega en Defensa do Ensino Público
insistiu en rolda de prensa que a aprobación da LOMCE este xoves 28 de novembro
supón un ataque letal ao ensino publico galego que, lonxe de garantir a
igualdade de acceso á educación, pon en tea xuízo o dereito universal á mesma
de toda a cidadanía. .
A Plataforma
considera un acto de irresponsabilidade que o PP aprobe esta lei e mantén que non
ten futuro porque xa se conseguiu o compromiso dos grupos da oposición de
derrogala cando se produza unha alternativa no Goberno central. A Plataforma continuará
mobilizándose para conseguir paralizala e
ten previsto para o 18 de decembro un novo acto reivindicativo contra a
LOMCE.
Para a Plataforma Galega en Defensa do Ensino Público, a LOMCE non ten ningún aspecto positivo nin supón ningún avance con respecto ao actual sistema educativo senón todo o contrario. Con esta lei, as necesidade e carencias do ensino público galego agravaranse en lugar de resolverse. A Plataforma Galega en Defensa do Ensino Público, que deu a rolda de prensa diante da Consellaría de Educación, lamentou a actitude que mantivo o conselleiro de Educación durante a tramitación da lei e que foi unha actitude de total vasalaxe e de dependencia absoluta do PP cando o que tiña que facer era exercer como garante do ensino público galego de calidade.
Baixo o lema “Rexeitemos a LOMCE
o 28 de novembro” a Plataforma Galega en Defensa do Ensino Público tamén fixo
un chamamento aos centros educativos para
que rexeiten a aprobación da LOMCE enviándolle
ao conselleiro de Educación por correo electrónico un texto semellante ao
seguinte: “Rexeitamos a aprobación da
LOMCE porque supón unha agresión ao ensino público e ao dereito á educación” e organizando
un acto simbólico no centro educativo o propio 28 de novembro facendo visible,
con diferentes lemas, o rexeitamento á LOMCE
Para a Plataforma Galega en Defensa do Ensino Público, a LOMCE non ten ningún aspecto positivo nin supón ningún avance con respecto ao actual sistema educativo senón todo o contrario. Con esta lei, as necesidade e carencias do ensino público galego agravaranse en lugar de resolverse. A Plataforma Galega en Defensa do Ensino Público, que deu a rolda de prensa diante da Consellaría de Educación, lamentou a actitude que mantivo o conselleiro de Educación durante a tramitación da lei e que foi unha actitude de total vasalaxe e de dependencia absoluta do PP cando o que tiña que facer era exercer como garante do ensino público galego de calidade.
IMAXE DA ROLDA DE PRENSA
“A LOMCE impregna o sistema educativo da ideoloxía
neoliberal que o PP tan ben sabe trasladar ao ensino, é clasista, reduce as
cativas competencias que ten a Consellaría e imposibilita que o galego sexa a
lingua vehicular no ensino -explicou Anxo Louzao, un dos membros da Plataforma
que falou en representación do profesorado.
“Reforza a confesionalidade e avanza na privatización do ensino que pon ao servizo da Conferencia Episcopal e da
patronal da privada, á que a administración poderá ceder chan público para
construír centros privados concertados”, engadiu .
“A LOMCE é un ataque aos dereitos fundamentais, non só
daqueles que estamos directamente inmersos na educación como pais e nais, como
estudantes ou como profesorado, senón da cidadanía no seu conxunto –advertiu
Fernando Lacaci, en representación das familias e tamén integrante da
Plataforma. “Pensar que se pode estudar por dereitos económicos ou que o
dereito á formación pode depender do nacemento é algo moi triste. Por iso, imos
continuar pelexando, a cidadanía vainos apoiar
e conseguiremos que desapareza”, engadiu.
“Ë unha lei que ataca directamente o estudantado e que empeora a nosa situación nun momento no
que precisabamos unha lei que reforzara o ensino publico. Estamos en contra e a
nosa voz ten que seguir escoitándose”, dixo a estudante, tamén integrante da
Plataforma, Mónica Martínez.
A Plataforma Galega en Defensa do
Ensino Público está integrada pola AS-PG, CIG-Ensino, Comités, Liga Estudantil Galega, Agir,
Sindicato de Estudantes, BNG, Galiza Nova,
Federación Provincial de ANPA de Lugo (FAPACEL), Federación de ANPA de
Compostela, Federación de ANPA da Costa da Morte, a Federación de ANPA de
Ferrolterra (FEANPAS), Movemento Dezao en Defensa do Ensino Público e
Federación de ANPA de Ponteareas (FANPO).
